سدا رہے گا نہ چہرے کا نور شہزادی

سدا  رہے  گا   نہ  چہرے   کا  نور  شہزادی

نہ  کر  تُو   حسن  پہ   اتنا   غرور  شہزادی

یہ اِک  جھلک ہی  تری  دیکھنے میں  آیا تھا

حقیر نظروں سے مجھ کو نہ گھور شہزادی

ذرا سا رحم بھی  آیا نہیں ہے دل میں ترے

ہزار   عرض  کی   تیرے   حضور  شہزادی

مرے یہ دل نے تو اِک کی ہے چاہ بس تیری

یہی   مر ا   تو   رہا   ہے   قصور   شہزادی

ستاتی مجھ کو رہی ہیں تری وہ یادیں پھر

ہوا ہوں تجھ سے میں جتنا بھی دور شہزادی

اُٹھانا ناز بھی  اُس کا  کہ جو ستائے ہمیں

ہے جبر  تو  یہ  سہیں  گے  ضرور شہزادی

ترا ہو حکم تو پھر جان بھی یہ حاضر ہے

نہیں ہے  زیؔب کے  تُو دل سے دور شہزادی

انور زیؔب انور                کتاب : دلِ برباد