رسول پاک کی ہم کو محبت تو عطا کردے
ہزج مثمن سالم
مفاعیلن مفاعیلن مفاعیلن مفاعیلن
قافیہ پیمائی
رسول پاک کی ہم کو محبت تو عطا کردے
محبت میں انہی کی پھر ہمیں مولا فنا کردے
طلب ہے تاج کی دل میں نہ ہی ہے تخت کی کوئی
خدایا بس مجھے شاہ مدینے کا گدا کردے
تجھے محبوب ہیں سب سے محمد مصطفی مولا
ہمارے دل کو ان کے عشق سے پھر آشنا کردے
نبی کے دین پر چلنے کی بھی توفیق دے مولا
ہماری زندگانی کا ہر اک پل خوشنما کردے
خدایا دست بستہ ہوں ندامت سے ترے آگے
طفیل مصطفی میں در گزر میری خطا کردے
نگاہیں باز آتی ہی نہیں میری خطاؤں سے
عطا اب مجھ کو عثمان غنی کی تو حیا کردے
اسے حسان بن ثابت کی سنت جان کر کاظم
لکھوں میں نعت احمد کی کرم مجھ پہ خدا کردے
❤️صلی اللہ علیہ وسلم❤️
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاااااااظم شیرازی 📜 4 مئی 2024
تبصرے
ایک تبصرہ شائع کریں