وقت بس اپنا موبائل میں گنوانے والے
رمل مثمن مخبون محذوف مقطوع
فاعلاتن فعلاتن فعلاتن فعلن
مشق سخن
وقت بس اپنا موبائل میں گنوانے والے
خود کو مر ضی کا مسلمان بنانے والے
دین و اسلام کا کچھ کام بھی ہے دنیا میں
صرف اے نعرۂ اسلام لگانے والے
پہلے قرآن سے جنگوں کے فضائل سمجھیں
بے سبب بے جگہ یہ جان گنوانے والے
آج نفرت کی تپش میں وہ الجھ بیٹھیں ہیں
دیپ ہر سمت محبت کی جلانے والے
ہم پہ الزام لگاتا ہے زمانہ لیکن
ہم تو ہوسکتے نہیں آگ لگانے والے
انتہا ظلم کی ہے دیش میں اپنے لیکن
پھر بھی خاموش ہیں تلوار اٹھانے والے
بزدلی صبر کو سمجھو نہ ہماری لوگو
ہمی ساحل پہ ہیں کشتی کو جلانے والے
کل کو منھ رب کو دکھایں گے وہ کیسے کاظم
عزتِ نفس محبت میں گنوانے والے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔
کاااااظم شیرازی 4 مارچ 2024
تبصرے
ایک تبصرہ شائع کریں