تلوار اٹھانی پڑ جائے تلوار اٹھا کر دم لینا

بحر زمزمہ، متدارک مثمن مضاعف

                     قافیہ پیمائی 

تلوار اٹھانی پڑ جائے تلوار اٹھا کر دم لینا

دشمن کو ڈرانا پڑجائے دشمن کو ڈرا کر دم لینا

تم تین سو تیرہ والے ہو تم خیبر و خندق والے ہو

جب حق کے مقابل باطل ہو تم اس  کو مٹا کر دم لینا

اذکار و نوافل پر یہ بیاں ہے خوب بہت سبحان اللہ 

پر یاد رہے اس دنیا کو حق بات بتا کر دم لینا

جاں اپنے ہتھیلی پر رکھ کر اور باندھے کفن تیار رہو

آجائے صدا جب مقتل سے سر اپنا کٹا کر دم لینا

اخلاق نبی کو اپنا کر قرآن سجا کر ہونٹوں پر

توحید کا نعرہ گلی گلی اے یار لگا کر دم لینا

اسلام کے تم ہی داعی ہو اسلام کے پیرو کار ہو تم

اسلام کی عظمت اور چاہت ہر دل میں  بٹھاکر دم لینا

کاظم یہ نصیحت ہے تم کو اس دیش کے چپے چپے سے 

نفرت کے بھڑکتے شعلوں کو ہر طور بجھاکر دم لینا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کاااااظم شیرازی 1,مارچ 2024