یہ دکھاوے کی یاری ہے کس کام کی؟

بحر متدارک مثمن سالم

فاعلن فاعلن فاعلن فاعلن

یہ دکھاوے کی یاری ہے کس کام کی؟

دل لگی  بیقراری ہے کس کام کی ؟

کام اک دوسرے کے نہ جب آسکیں 

دوستی پھر ہماری ہے کس کام کی؟

زخم دل پر نہ مرہم بھی تو رکھ سکا

پھر تری غم گساری ہے کس کام کی؟

چاک دامن رفو کر تو سکتا نہیں

پھر تری دستگاری ہے کس کام کی؟

اپنی آنکھوں کی ہم سے حفاظت نہ ہو

پھر یہ پرہیز گاری ہے کس کام کی؟

جب رضائے خدا ہی نہ مقصود پھر

عاجزی انکساری ہے کس کام کی ؟

پنج وقتہ نمازیں نہ گر پڑھ سکو

یہ جوانی تمہاری ہے کس کام کی؟

ساتھ کاظمٓ نبھانے سے جب ہم رہے

پھر ہماری یہ یاری ہے کس کام کی؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کاااااظم شیرازی 24 فروری 2024