پہنچنے کا رب تک وسیلہ ہے بیوی

بحر متقارب مثمن سالم

فعولن فعولن فعولن فعولن

               *بیوی*

پہنچنے کا رب تک وسیلہ ہے بیوی

گناہوں سے بچنے کا رستہ ہے بیوی

وفاؤں حیاوں کا گہنا ہے بیوی

خدا کا اک انمول تحفہ ہے بیوی

سمجھتا ہے کیوں بوجھ بیوی کو اپنے

ترے رزق کا بھی ذریعہ ہے بیوی

چلے صرف  جس پر محبت کی کشتی

سمندر وہ ساغر وہ دریا ہے بیوی

اگر چہ نہ مانے مری بات کوئی

مگر زندگی کا سہارا ہے بیوی

حکایت عنایت لطافت نزاکت 

محبت مسرت کا چشمہ ہے بیوی

کبھی چاہو پڑھ کر اسے دیکھ لینا 

غزل ،بیت، نغمہ، قصیدہ ہے بیوی

ہے کاظم جو محروم بیوی سے اب تک

اسے کیا خبر ہو کہ کیا کیا ہے بیوی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کاااااظم شیرازی 24 فروری 2024