مشکل کشا ہمارا حاجت رواء ہمارا

حمد باری تعالیٰ 

مشکل کشا ہمارا حاجت رواء ہمارا

کوئ نہیں ہے یارب تیرے سوا ہمارا

 تُو کل جہاں کا خالق تُو کل جہاں کا مالک

تُو رازقِ دوعالم رب العُلیٰ ہمارا

پہچان تیری مولا مقصودِ زندگی ہے

تُو جستجو ہماری تُو مدعا ہمارا

معبود ذات تیری سارے جہاں میں یا رب

بندے ہیں سب ترے ہم تُو ہے خدا ہمارا

اللہ بخش دینا رحم و کرم سے ہم کو

جب سامنا ہو تجھ سے روزِ جزاء ہمارا

گرچہ گناہ بہت ہیں صفدر ہمارے لیکن

محشر میں تیری رحمت ہے آسرا ہمارا

محمد صفدر سیاف