ہم ترا ساتھ نبھاتے ہوئے تھک جاتے ہیں

رمل مثمن مخبون محذوف مقطوع 

   فاعلاتن فعلاتن فعلاتن فعلن 

ہم ترا ساتھ نبھاتے ہوئے تھک جاتے ہیں 

یعنی ہر ناز اٹھاتے ہوئے تھک جاتے ہیں 

اپنے کمرے کی اک الماری میں صدق دل سے

تیری تصویر چھپاتے ہوئے تھک جاتے ہیں 

شہر کا شہر جلاتے ہوئے تھکتے نہیں تم

ہم تو اک گھر ہی بناتے ہوئے تھک جاتے ہیں 

 تو نے سیکھا ہے کہاں رنگ بدلنے کا ہنر

ہم ترے رنگ ملاتے ہوئے تھک جاتے ہیں 

بات کیا ہے کہ نکلتا نہیں باہر گھر سے

ہم صدا تجھ کو لگاتے ہوئے تھک جاتے ہیں 

بار ماں باپ ہمارا لئے پھرتے ہیں مگر 

 بوجھ ہم ان کے اٹھاتے ہوئے تھک جاتے ہیں 

چاک دامن کئے جاتے ہیں خوشی سے کاظمؔ

ہم رفو کرتے کراتے ہوئے تھک جاتے ہیں 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

✍کاااااااظم شیرازی📜 20 دسمبر 2023

           ♡ ㅤ ❍ㅤ ⎙ ⌲ 

          ˡᶦᵏᵉ ᶜᵒᵐᵐᵉⁿᵗ ˢᵃᵛᵉ ˢʰᵃʳᵉ