بات یہ تام ہے میں برا شخص ہوں

بحر متدارک مثمن سالم

فاعلن فاعلن فاعلن فاعلن 

بات یہ تام ہے میں برا شخص ہوں 

ذکر اقوام ہے میں برا شخص ہوں

دور رہنا سدا قربتوں سے مری

مجھ پہ الزام ہے میں برا شخص ہوں

آج مے خانے سے لیکے مسجد تلک

برپا کہرام ہے میں برا شخص ہوں

اب کسی کو صفائی میں دوں کس لئے

چرچہ ہر گام ہے میں برا شخص ہوں 

مجھ سے آشفتہ کو اور کیا چاہئے

دے اگر ،جام ہے میں برا شخص ہوں 

میرے ذمے وہ ہر کام دے دیجئے

جو بد انجام ہے میں برا شخص ہوں 

 لے چلیں کاظم آپ اس جگہ پر جہاں

مے سر عام ہے میں برا شخص ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

✍کاااااااظم شیرازی 📜13 دسمبر 2023

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

♡ ㅤ    ❍ㅤ       ⎙        ⌲ 

ˡᶦᵏᵉ  ᶜᵒᵐᵐᵉⁿᵗ   ˢᵃᵛᵉ   ˢʰᵃʳᵉ