ہیں سب مصروف دولت میں عبادت کون کرتا ہے

بحر، ہزج مثمن سالم

مفاعیلن مفاعیلن مفاعیلن مفاعیلن 

ہیں سب مصروف دولت میں عبادت کون کرتا ہے

موبائل کے زمانے میں تلاوت کون کرتا ہے

سکونِ دل خدا نے رکھ دیا قرآن میں لیکن 

سوا دوچار کے اس کی اطاعت کون کرتا ہے

ہمیں حکمِ اذاں ہے لا الہ رب کے سوا لیکن 

۔بتوں کے شہر میں اعلانِ وحدت کون کرتا ہے۔

خدا کے ذکر میں یارو عجب لذت ہے پوشیدہ

مگر محسوس ایماں کی حلاوت کون کرتا ہے

منافع ہی منافع ہے تجارت رب سے کرنے میں 

خدائے پاک سے لیکن تجارت کون کرتا ہے

خدا کہتا ہے قرآں میں بچو تم  بد نگاہی سے 

مگر افسوس آنکھوں کی حفاظت کون کرتا ہے

سبھی لوگوں کو ہے مطلوب جنت پھر بھی اے کاظم 

سدا ماں باپ کی خوش ہوکے خدمت کون کرتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

✍ کاااااااظم شیرازی  📜 25 اکتوبر  2023

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔