زندگی میں مدینہ چاہتا ہے

7 محرم الحرام 1445ھ 26 جولائی 2023ء

عنکبوت سخن کے 68 ویں عالمی مشاعرے میں کہی گئی

خفیف مسدس مخبون محذوف 

فاعِلاتن مفاعِلن فِعْلن

نعت مبارک 

زندگی میں مدینہ چاہتا ہے

دل وہیں پر ہی جینا چاہتا ہے

شہر سرکار ﷺ میں مروں یارب

دل مرا تو سکینہ چاہتا ہے

کامیابی کے واسطے عاشق

راہ سنت پہ چلنا چاہتا ہے

دوڑتا یہ غلام آئے گا

حاضری کو اشارا چاہتا ہے

خلد میں جانے کے لئے آقا ﷺ 

آپ ﷺ کا ہی سہارا چاہتا ہے

پاک روضہ ہو سامنے ان ﷺ کا

دلربا یہ نظارہ چاہتا ہے

چشم معصوم پر کرم کی ہو

نعت سرکار ﷺ لکھنا چاہتا ہے

انعام الحق معصوم صابری