اعلیٰ چمک رہا ہے ادنیٰ چمک رہا ہے

مشہور و معروف بزم مولاۓ کاٸنات میں کہا گیا مکمل کلام 

بر طرح : دربارِ مصطفٰی کامنگتاچمک رہاہے 

اعلیٰ چمک رہا ہے ادنیٰ چمک رہا ہے 

شہرِ نبی کا وللّہ ذرہ چمک رہا ہے 

گلیاں چمک رہی ہیں کوچہ چمک رہا ہے 

شاہِ امم کے در کا تنکا چمک رہا ہے 

گر دیکھنا ہے دیکھو قرآں ہے اس پہ شاہد

سرکارِ دوجہاں کا اسوہ چمک رہا ہے 

سارے جہاں کی رونق ہر سْو یہ زیب وزینت

محبوبِ کبریا کا جلوہ چمک رہا ہے 

دیرینہ آرزو ہے سرکار چشمِ رحمت

دیکھوں کہ کیسے مکّہ ,طیبہ چمک رہا ہے 

حیران ہیں جہاں کے سب تخت و تاج والے

"دربارِ مصطفی کا منگتا چمک رہا ہے "

سرکار کا گھرانہ بے شک ہے نور والا

شاہِ ہدیٰ کا پورا کنبہ چمک رہا ہے 

یارانِ مجتبٰی کے اوصاف کیا بیاں ہوں

باہم خلوصِ دل کا رشتہ چمک رہا ہے 

اُن دس صحابیوں کی اللہ رے فضیلت 

جنّت کا جن کی خاطر تمغہ چمک رہا ہے 

حرمین کی زیارت کرلے کبھی معظّم 

آقا یہ دل میں میرے جذبہ چمک رہا ہے 

معظّم ارزاں شاہی دوست پوری