محبت لُٹا کر چلو دیکھتے ہیں (غزل)

محبت   لٹا   کر   چلو   دیکھتے   ہیں

کہ نفرت مٹا کر   چلو   دیکھتے   ہیں

کمایا   بہت   ہم  نے  دنیا  کی  دولت

دعائیں کما  کر   چلو    دیکھتے  ہیں

دکھاتا   ہے  جوش  محبت  بہت  وہ

اسے   آزما   کر   چلو   دیکھتے   ہیں

نہ سمجھو کسی کو کبھی خود سے کمتر

گلے سے  لگا  کر   چلو   دیکھتے  ہیں

وہیں سے بنے گی  ہماری  بھی  بگڑی

مدینہ ہی  جا  کر  چلو  دیکھتے  ہیں

نفیس اب ضرورت ہے اپنے دلوں سے

انا  کو  مٹا  کر   چلو   دیکھتے   ہیں

      محمد نفیس ازہر     قطر