دعائیہ نعت رسول ﷺ ‏عشق بیمار ہوں دیدار سے اچھا کر دے ‏

4 ربیع الاول 1444ھ یکم اکتوبر 2022ء

دوبارہ ارشاد کے 192 ویں عالمی مشاعرے میں کہی گئی

دعائیہ نعت رسول ﷺ 

عشق بیمار ہوں دیدار سے اچھا کر دے

جلوہء یار سے یہ خواب بھی سچا کر دے

میرے سرکار ﷺ کے صدقے میں الٰہی میری

"ظلمت شب بڑی گہری ہے اجالا کر دے"

شہر سرکار ﷺ میں روضہ بھی دکھا کر یارب

میری تپتی ہوئی آنکھوں کو تو ٹھنڈا کر دے

خاک کے ذرے جو آقا ﷺ کے قدم کو چھو لیں

ان کو آنکھوں کی شفا کے لئے سرمہ کر دے

چاند سورج بھی شجر اور حجر چلتے ہیں

تیرا محبوب ﷺ انہیں ایک اشارہ کر دے

کر دے رسوا بھی زمانے میں مرے آقا ﷺ کے 

ہیں جو گستاخ انہیں دیس نکالا کر دے

ہے یہ معصوم دعا دہر میں مولا میری

نعت کہنے سے تو عزت کو دوبالا کر دے

انعام الحق معصوم صابری